Анкета: Нова демократија со 6,2 отсто повисок рејтинг од СИРИЗА
Грчката владејачка партија Нова демократија е со 6,2 отсто повисок рејтинг од опозициската СИРИЗА, а на третото место е ПАСОК- Движење на промена, според резултатите од истражувањето на јавното мислење на компанијата „Alco“ за телевизијата Алфа, јави дописничката на МИА од Атина.
Анкетата е прва објавена откако и официјално беа распишани изборите во Грција, а Нова демократија добива 31,6 отсто, СИРИЗА 25,4 проценти, ПАСОК- Движење на промена 8, 9 отсто, а потоа следат Комунистичката партија, Грчко решение, МЕРА 25 и Национална партија Грци на осудениот поранешен пратеник од Златна зора.
Податоците од истражувањето на јавното мислење покажуваат дека анкетираните преферираат одржување втори избори, наспроти формирање коалициска влада.
На прашањето доколку по изборите постои можноста за формирање влада на Нова Демократија и ПАСОК, 26 проценти од анкетираните поддржуваат коалициска влада, а 62 отсто од анкетираните сметаат дека подобро е да се одржат нови избори.
Слична е ситуацијата и на прашањето за евентуално коалицирање на СИРИЗА, ПАСОК и МЕРА25. Половина од испитаниците (51 отсто) сакаат нови избори, а 37 проценти би ја поддржале конкретната коалициска влада.
Истражувањето на јавното мислење на компанијата „Alco“ за телевизијата Алфа било спроведено од 18 до 22 април 2023 година со анкетирани 1.000 лица со право на глас.
Ново на Сител
-
Претседателката Сиљановска Давкова помилуваше пет лица
-
Тошковски: Исплатена бонус плата за 2023 година, право кое го оствариле 5.635 вработени во МВР
-
Средба на Сиљановска Давкова со Вучиќ на Илинден во Св.Прохор Пчињски
-
Муртези: Прашањето за формирање на албанска академија е чувствително, но „Вреди“ нема да ги прилагодува програмските заложби заради личен комфор во Владата
-
За празникот сончево и многу топло, до 40 степени, попладне краткотрајно невреме
-
АХВ: Потенцијално небезбедните коцки за супа не се пуштени во промет, спроведен е вонреден инспекциски надзор
-
Јавното обвинителство на увид во Институтот за јавно здравје, се испитува дали има обележја на кривично дело
-
Управните служби и утре ќе ги издаваат готовите лични документи на граѓаните