Анкета на МЦМС: Граѓаните сметаат дека корупцијата е најголем проблем

Корупцијата е најголем проблем, а граѓаните кои не се воопшто оптимисти дека таа ќе се намали и во иднина сметаат дека најкорумпирани се судиите, министрите, пратениците, градоначалниците и јавните обвинители, покажува истражувањето за проценка на корупцијата спроведено од МЦМС.

Вкупно 80% од анкетираните сметаат дека желбата за брзо богатење на оние кои се на власт влијае на широката распространетост на корупцијата а значаен фактор е и недостатокот на строга и административна контрола на корупцијата. Неспроведувањето на законите и недоволната заштита на лицата кои пријавуваат корупција.

Анкетата за потребите на МЦМС ја спровела ИПСОС на репрезентативен примерок од 1014 полнолетни лица спроведена во период од 27 април до 20 мај оваа година.