Анкета: Грците стануваат се помалку евроскептици
Грците станале помалку евроскептици, а повеќето од нив, односно тројца од четворица, сметаат дека кризата најмногу се должи на „нивните сопствени слабости“ кои се сведуваат на „недостатоци“, на корумпираноста на грчките влади (92,6 отсто), на зависноста на нивното општество од „земањето кредити“ и на потрошувачка вон можностите (77,1 отсто), како и на постоењето организирани корпоративни интереси (66 проценти).
Ова го покажа истражувањето, чии резултати се објавени во весникот „Катимерини“, кое првпат посочува дека Грците јасно преземаат одговорност за своите грешки и покажуваат подготвеност да одат напред. Исто така, анкетата покажува дека евроскептицизмот во грчкото општество во последниве години почнал да опаѓа.
Вкупно 78 отсто од испитаниците се убедени дека „меморандумите (програмите за спас) повеќе и наштетиле отколку што направиле добро за земјата“. Понатаму, 71 процент сметаат дека тие меморандуми биле „измислица на Европејците, за да ги експлоатираат", а 57,7 отсто велат дека Грција сама, без Европа, можела да се справи и да ја надмине кризата.
Вкупно 84 отсто веруваат дека Грција ќе биде членка на ЕУ и во наредните десет години, додека 24,1 процент сметаат дека интересите на земјата подобро ќе бидат задоволени со една привилегирана врска со Москва.
За 66,9 отсто од Грците, Русите се израз на „доброто“, додека за 67,7 отсто Турците са симбол на „злото“.
На прашањето за идеален лидер, 30 отсто од анкетираните Грци на прво место го ставиле Владимир Путин.
Ново на Сител
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син
-
Студија на ОН: Се зголемуваат ризиците за мигрантите во Медитеранот