Англичанка го преименува „Американо“ во - „Украино“ како протест против САД
Сопственичка на кафуле во Велика Британија го преименуваше популарното кафе „Американо“ во – „Украино“ како протест поради, како што самата рече, „злоупотребата кон претседателот Володимир Зеленски“ во САД, за време на неговата посета на Овалната соба во Белата куќа.
Кафето „Американо“ го добило своето име во Втората светска војна, кога американските војници го разредувале своето посилно „Еспресо“ во Италија за да го направат по нивен, „американски“ вкус. Хелен Грегори, која го води кафулето „Сихорс кофи бок“ (Seahorse Coffee Bok) во Ситон Керjу во северна Англија, објасни дека преименувањето го направила како поддршка за украинскиот претседател. Во видео на својот интернет-простор, таа става налепница со натпис „Украино“ над постариот назив на нејзиниот ценовник за пијалаци.
„Значи, нема повеќе ‘Американо’. Од денес ќе го нарекуваме ‘Украино’,“ вели Хелен.
Угостителката за „Тисајд газет“ (Teesside Gazette) изјави дека никогаш претходно не направила вакво нешто и ги повика другите кафулиња да го следат нејзиниот пример. Според наводите, гостите го поддржале протестот.
– Знам дека нема да направи разлика, но барем во моето мало катче заземам став, рече таа.
Американскиот претседател Доналд Трамп и потпретседателот Џ.Д. Венс имаа прилично тензична средба со претседателот на Украина, во петокот, во Овалната соба, околу иднината на неговата земја и војната со Русија.
Ново на Сител
-
Малолетник нападнат од неколку лица на автобуска станица во Центар
-
Муцунски: Посветени сме на реформите, но очекуваме и Брисел да го исполни она што го вети кон Западниот Балкан
-
Бесент: Мислам дека Путин е воен злосторник, но со него треба да преговараме
-
Чешкиот претседател ги гледа истите елементи во денешниот свет што ја предизвикаа Втората светска војна
-
Директор на „Колекторски систем“ во Охрид го оштетил претпријатието за скоро 3 милиони денари
-
На барање на Турција блокиран профилот на уапсениот градоначалник на Истанбул на мрежата Икс
-
Апелација им ги зголеми казните на дел од обвинетите за случајот „Ласкарци“
-
Лазаров го одреди составот за мечот со Естонија