Ангелов: Пожарот во близина на Радовиш ставен под контрола, активни 15 пожари
Директорот на Центарот за управување со кризи (ЦУК), Стојанче Ангелов преку видео изјава соопшти дека заедно со Главниот штаб за управување со кризи рано утрово одржале брифинг со домашните и странските пилоти кој учествуваат во гаснењето на пожарите. Информира и за состојбата со пожарите.
-Рано утрово во 5 часот се одржа брифинг со домашните и странските пилоти кој учествуваат во гаснењето на пожарите. Рано утрово полета големиот српски хеликоптер со пет тони вода кон пожарот во Радовиш и слободно можам да кажам дека овој пожар во непосредна близина на Радовиш и селото Штурово веќе е ставен под целосна контрола. На територијата на Општина Чашка кај селата Горно и Долно Јаболчиште дејствува еден црногорски хеликоптер и еден полициски хеликоптер. На територијата на Општина Росоман кај селото Сирково дејствува еден полициски хеликоптер и трите „ер трактори“ на ДЗС. На нив во секој момент треба да се приклучи хрватски „канадер“, кој покажа одредени слабости и истите треба да бидат отстранети во секој момент. Кај Лисец ќе дејствува романскиот „спартак“ кој ќе фрли пет тонски водни бомби, вели Ангелов.
Потенцира дека дел од екипажот на леталата се чувствува преморено и поради строгите воздухопловни правила не можеле да полетуваат утрово. Соопшти дека попладнето ќе имаат на располагање дополнителни сили.
Ангелов информира дека на вчерашната седница одржана во Неготино, на која присуствувале и градоначалниците од зафатените региони со пожари, бил донесен заклучок за зголемување на бројот на припадниците на Армијата за помагање во справувањето со пожарите.
-Рано утрово претстедателката потпиша указ со кој ни се доделуваат 300 припадници на Армијата како помош во справувањето со пожарите. И за плус 30 припадници е зголемен и бројот на полицајци. На располагање денеска имаме и 60 припадници на Единицата за брзо распоредување, рече тој.
Ангелов потенцира дека во моментов има околу 15 активни пожари.
Ново на Сител
-
Адеми: Недозволиво е да се носат законски измени по примерот на Кривичен, без да се консултира судската фела
-
Работен ручек на Фон дер Лајен со лидерите од Западниот Балкан
-
Кривична пријава против осум лица и три компании поради смртоносната сообраќајка во која загинаа татко и син
-
Следните два дена променливо облачно време, викендот сончево со пораст на температурата
-
Мицкоски за посетата на Брисел: Подготвивме најквалитетен документ за Планот за раст, ќе ги одбраниме и националните интереси
-
Претрес во Куманово, приведено едно лице
-
Дурмиши: Цените нема да се замрзнат, маржата ќе се ограничи до 10 отсто
-
Постигнат договор за есенската потрошувачка кошница, ќе се разгледа на следната владина седница