Андонов: Фирмите кои со манипулации влегле на регулираниот, од јануари автоматски ќе се вратат на слободниот пазар

Фирмите кои со манипулации влегле на регулираниот пазар, од јануари автоматски ќе бидат вратени на слободниот пазар, информираше денеска соработникот за енергетика во Владата на Република Македонија Виктор Андонов.

„Со таа одлука точно е наведено дека доколку наведените правни лица до крајот на годината не се вратат самите на слободниот пазар, операторот на дистрибутивниот систем, како носител на лиценца која функционира врз основа на Законот за енергетика, ќе има обврска автоматски од први јануари 2023 година истите да ги врати на слободниот пазар“, информираше Андонов.