Американскиот Сенат го поддржа нацрт-законот за поттикнување на производството на микрочипови
Сенатот на САД го поддржа нацрт-законот за субвенционирање на производството на полупроводници, надевајќи се дека тоа ќе ја зајакне конкурентноста на американските компании во однос на Кина.
Предлогот доаѓа во време кога економијата на САД се соочува со постојан недостиг на микрочипови, што влијае на широк опсег на производствени сектори, од автомобилската индустрија и индустријата за оружје до производството на машини за перење и видеоигри.
Долгоочекуваниот нацрт-закон се очекува да биде изгласан денеска во Претставничкиот дом, откако беше поддржан од Сенатот со 64 гласови од двете партии. Доколку Долниот исто така го усвои предлогот, претседателот Џо Бајден најверојатно ќе го потпише на почетокот на следната недела и тој официјално ќе стапи во сила.
Нацрт-законот обезбедува околу 52 милијарди долари владини субвенции за производство на полупроводници, како и 24 милијарди долари во кредити за инвестиции за фабриките за микрочипови.
Предвидено е да бидат одвоени повеќе од 170 милијарди долари во следните пет години за поддршка на американските истражувања за зголемување на конкурентноста на земјата наспроти Кина.
Ново на Сител
-
Приведен 32 годишник, подметнал пожар во две штали
-
Повреден 34 годишен скопјанец, бил удрен со електричен тротинет
-
Мицкоски: Утре започнува теренска контрола на сите субјекти регистрирани како кабаре, дискотеки или ноќни клубови
-
Граѓаните што протестираа во Кочани револтот го искажаа и пред куќата на градоначалникот во оставка
-
Граѓаните што протестираа во Кочани ја гаѓаа со јајца и камења куќата на градоначалникот во оставка
-
Обвинителство бара притвор за Крешник Бектеши
-
Бектеши задржан во полициска станица - Засега нема правна квалификација, вели неговиот адвокат
-
Рокас: Тука сме со поддршка како ваши партнери од првиот миг, да се поддржуваме меѓусебе во вакви тешки мигови