Американскиот секретар за одбрана во ненајавена посета на Ирак
Американскиот секретар за одбрана Ештон Картер пристигна во ненајавена посета на Ирак, каде ќе се сретне со американски воени команданти и ирачки официјални претставници.
Картер ќе разговара со ирачкиот премиер Хајдер ал Абади и со министерот за одбрана Халед ал Обеиди, како и со американскиот генерал Шон Макфарланд, кој е командант на коалицијата за борба против Исламска држава во Ирак и Сирија, предводена од САД.
Картер допатува во Ирак откако ирачките власти во саботата ја вратија контролата врз воздухопловната база Кајара, која се наоѓа на 60 километри јужно од Мосул, кој се уште е во рацете на ИД.
Враќањето на контролата врз базата се смета за важна етапа во идната битка за протерување на ИД од Мосул, кој е под контрола на групацијата од јуни 2014 година.
Картер изјави дека доколку е потребно американските советници се подготвени да се приклучат кон ирачкиот баталјон во придвижувањето кон Мосул.
Тој го означи ослободувањето на Кајара како клучна страешка победа.
Ново на Сител
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба
-
МОН: Започна печатењето на одобрените учебници од прво до седмо одделение