Американски генерал смета дека Иран го крие точниот број на жртви од Ковид-19

Американскиот генерал Кенет Мекензи, командант на Централната команда во Ирак, изрази сомнеж дека Иран го крие точниот број на жртви на коронавирусот.

Еден ден по смртоносниот ракетен напад врз американската воена база во близина на Багдад, американски генерал предупреди дека глобалната пандемија го прави Техеран уште поопасен.

– Сметам дека пандемијата влијае врз начинот на донесување на одлуките во Техеран, мислам дека донесуваат побавни одлуки и известуваат за значително помал број заболени, рече командантот на Централноамериканската команда во Ирак.

– Мислам дека тие ги донесуваат одлуките отежнато во оваа ситуација и јас би рекол дека тие се поопасни заради тоа, рече Мекензи на расправата пред членовите на сенатски одбор.