Албанско-грчка граница: Позитивни на Ковид-19 со лажни тестови оделе во Грција на лекување
Група Албанци создале вистинска индустрија на фалсификувани тестови за коронавирус, кои граѓаните масовно ги купувале со цел да ја преминат границата со Грција.
Лажните ПЦР-тестови биле откриени од медиумските мрежи Топ Чанел и СТАР од Албанија, наведувајќи дека групата фалсификатори работи првенствено на северот на Албанија.
Албанските власти пронајдоа многу фалсификувани тестови и тоа беше причината поради која Грција од денес го затвори граничниот премин Кристалопиги.
Патниците од Албанија сега ќе мора да одат преку граничниот премин Какавија, каде што ќе бидат подложени на брз тест, со задолжително покажување и на негативен ПЦР-тест, не постар од 72 часа.
СТАР објави како изгледа лажен и како вистински ПЦР-тест, а разликите се забележуваат пред се во логото на дијагностичкиот центар каде е направен тестот, но и во потписот и печатот на докторот кој ниту бил виновен, ниту бил должен да стане жртва на фалсификување.
Наводно, многу од оние кои ја преминале грчката граница со лажни тестови веќе знаеле дека се заразени со корона, и отишле во Грција првенствено на лекување затоа што не му веруваат на албанскиот здравствен систем.
Телевизијата го објави и случајот на 20-годишна жена која завчера со лажен тест се обидела да го премине преминот Какавија, но била забележана по што избегала. Досега се уапсени неколку Албанци.
Ново на Сител
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот