Акција „Јас на гости во полицијата“ во Струмица
Стотина ученици од ООУ „Никола Јонков Вапцаров“ беа дел од акцијата „Јас на гости во полицијата“ во СВР Струмица.
Како дел од едукативното предавање, учениците се запознаа со безбедноста во сообраќајот, со состојбите на нарушување на јавниот ред и мир, грабнување дете, како и со девијантните и криминогени појави.
- Оваа активност мора да биде редовна за зголемување на свеста кај граѓаните од најмала возраст, особено во патниот сообрајќај. Децата се учесници во сообраќајот и мора да ги научат патните знаци, но и да стекнат соодветна култура и поведение. Последниве години, но и во летниот период имаме зголемена фрекфенција на возила и пешаци, пред се во летниот период поради враќањето на граѓаните кои живеат и работат во странство, појасни Љупчо Аѓилоски, водич на безбедносен сектор при Полициската станица за безбедност на патен сообраќај во Струмица.
Според статистиката на СВР Струмица, во пролетниот период, бројот на сообраќајки е зголемен за околу пет проценти во споредба со истиот период лани. Оттаму, додаваат дека треба уште да се работи на едукација на учесниците во сообраќајот.
- Иако преземаме превентивни и репресивни мерки, имаме малку зголемена бројка на прекршители на сообраќајните правила и прописи. Даваме максимум покрај другите работи, да се справиме и со прекршителите на сообраќајот, додаде Аѓилоски.
Во мај загинаа две деца на возраст од 4 и 5 години од струмичкиот регион во две сообраќајни несреќи.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје