Аеродромот во Истанбул прогласен за „Аеродром на годината”
Читателите на британското списание „International Airport Review“ го прогласија аеродромот во Истанбул за „Аеродром на годината”, соопшти воздухопловниот оператор IGA, цитиран од агенцијата Анадолија.
Аеродромот во Истанбул освои мнозинство гласови од читателите, победувајќи неколку познати меѓународни аеродорми, како Хитроу (Велика Британија), Сиднеј (Австралија) и Чанги (Сингапур), се наведува во соопштението на IGA.
Аеродромот во Истанбул е на пат да се претвори во глобален центар со својата уникатна архитектура, силно развиена инфраструктура и високи технологии.
Додека аеродромот во Истанбул беше награден во категоријата „Избор на читателите: Аеродром на годината“, списанието додели и други награди: Индискиот меѓународен аеродром Кемпегова ја освои наградата за „Највредна иницијатива“; комплексот терминали на средниот аеродром во Абу Даби беше награден со „ Проект за иновативен дизајн“; додека аеродромот во Единбург (Шкотска) ја доби наградата „Најдобра иницијатива за достапност“.
Аеродромот во Истанбул, чија првична фаза официјално беше отворена во октомври 2018 година, на 6 април годинава го презеде воздушниот сообраќај од аеродромот „Ататурк”.
Предвидено е тој да опслужува 200 милиони патници годишно со целосен капацитет, откако до 2028 година треба да бидат завршени сите четири фази со шест писти.
Ново на Сител
-
„Велт ем Зонтаг“: Бројот на натурализации во Германија достигна нов рекорд - речиси 250.000 во 2024 година
-
Јаневска: Модернизација на студиските програми и повеќе пракса во компании ќе ги задржи студентите на нашите универзитети
-
Џефри Сакс: „Четворицата мускетари“ нема да обезбедат воена победа за Украина
-
За околу два часа распродадени картите за концертот на Металика во Атина
-
Трибина за Оперативниот план 2025: Младите да останат во земјава, луѓето во социјален ризик економски да се осамостојат
-
Турските власти издадоа налози за апсење на 47 опозициски функционери, досега приведени 28
-
Отворен нов спортско-рекреативен центар во 11 Октомври – Бараки
-
Утре посебен сообраќаен режим во Скопје поради ревијална трка