Адеми: Музејот на албанската азбука во Битола ќе го посетуваат основците на екскурзиите
По иницијатива на претседателот на Демократската унија за интеграција Али Ахмети вчера е потпишан нов правилник за екскурзиите на учениците од основно образование, каде стои дека „сите ученици од основните училишта во Северна Македонија во рамки на ексурзиите треба да го посетат Музејот на албанската азбука во Битола“. Ова денеска го соопшти министерот за образование и наука Арбер Адеми на свечената академија по повод Денот на Албанската азбука во Битола.
– Колку и да е мал овој чин, ја има својата симболика за да и се даде важност и да се третира оваа тема од сите наши деца и ученици уште од освновното образование. Посакувам почесто да имаме вакви настани, промоции на книги и изложби и да бидат претставени во најдобро можно светло, истакна Адеми.
Тој потенцира дека во соработка со Институтот за духовно и културно наследство на Албанците – Скопје имале промоции на книги, изложби и како што рече, „во текот на оваа година го зајакниле кадровскиот капацитет и го удвоиле бројот на отсеци кои работат во рамките на Институтот“.
Инаку, на свечената академија во Битола присуствуваше и лидерот на ДУИ, Али Ахмети, почесни конзули, владини министри и градоначалници.
Ново на Сител
-
Околу 90 камиони со помош влегле во Газа
-
Потпишување на Договорот за стратешко партнерство со Обединетото Кралство
-
Продолжува надзорната расправа за аерозагадувањето
-
Без струја корисници во Аеродром и Студеничани
-
Двајца вработени во израелската амбасада застрелани во центарот на Вашингтон
-
Каја Калас во Белград, Вучиќ: Србија останува доверлив партнер на сите кои се стремат кон соработка
-
Земјотрес со јачина од 6,1 степени го погоди грчкиот остров Крит
-
Променливо облачно и топло, попладне можен пороен дожд