АД ЕСМ: Краток прекин во работата на РЕК Осломеј поради пукната цевка
– РЕК Осломеј е во 48-часовен прекин поради пукната цевка, како најчест дефект во термоелектраните, кој брзо се санира. Се очекува РЕК Осломеј повторно да биде на мрежа од сабота, 29 октомври, информираат од АД ЕСМ.
Нагласуваат дека производството на електрична енергија за потребите на регулираниот пазар, односно за домаќинства и мали потрошувачи, се одвива непречено преку другите електрани на АД ЕСМ, пред се, како што велат, со поинтензивно производство на двата блока во РЕК Битола.
-РЕК Осломеј во последните години работи со исклучително зголемен капацитет, благодарение на силните инвестиции кои беа направени во комбинатот во периодот од 2018 до 2020 година во однос на термоелектраната, опремата, човечките ресурси итн. Како резултат на тоа се забележува зголемено производство, така што заклучно со вчерашниот ден, производството од Осломеј достигна 219 гигават часови електрична енергија. Со тоа РЕК Осломеј го исполни и го надмина планот за производство за 2022 година, потенцираат од АД ЕСМ.
Ново на Сител
-
Пратенички прашања во Собранието, Трајко Славески ја превзема функцијата Гувернер на НБРМ
-
Мицкоски: Нема да мрднам ниту милиметар додека не видам македонци во бугарскиот Комитет за малцинства
-
Повредените пациенти стравуваат дека ќе останат без д-р Кате, надлежните со итна реакција
-
Андоновски и Перински во работна посета на Естонија
-
Оперативниот план за Владата е визија за подобар живот на 16.000 граѓани, а за СДСМ параван за партиски вработувања
-
Преглед на вестите од светот
-
Во судницата во затворот Идризово стартува судењето за „Адитив“
-
Пратенички прашања во Собранието, Трајко Славески ја превзема функцијата гувернер на НБРМ