-->
-->
АБА лига: МЗТ Скопје беше на чекор до триумф над Партизан
-->
Македонскиот кошаркарски шампион МЗТ Скопје Аеродром синоќа не успеа да стигне до победата во дуелот со белградски Партизан во рамките на 3.коло од АБА лигата, иако во најголемиот дел од средбата беше во водство. Ова за екипата на Партизан е прва победа во новата сезона – 72:69 (23:25; 15:24; 17:12; 17:8).
На полувреме МЗТ Скопје водеше со 49:38, а во 23.минута го имаше и највисокото водство (54:41) од 13 поени разлика. Повеќекратниот шампион на АБА лигата, Партизан во водство дојде повторно во 38.минута (69:68). Во завршницата „црно-белите“ беа посмирени и решавачките поени ги постигна поранешниот играч на МЗТ Скопје, Александар Цветковиќ за конечни 72:69.
Вања Маринковиќ со 16 поени беше најефикасен, додека кај МЗТ Скопје Дамјан Стојановски постигна 14.
Македонскиот репрезентативец Андреј Магдевски, кој беше стартер кај Партизан постигна 2 поена и имаше 2 блокади.
На другите натпревари од 3.коло синоќа беа постигнати следниве резултати: Задар – Црвена Звезда 49:56, Цедевита – Цибона 83:65, Тајфун – Крка 74:51.
Денеска се играат натпреварите: Металац – Игокеа, Олимпија – Сутјеска, Будуќност – Мега Лекс.
Табела: Цедевита 3-0 (победи-порази), Црвена Звезда 3-0, Тајфун 2-1, МЗТ Скопје Аеродром 1-2, Задар 1-2, Партизан 1-2, Цибона 1-2, Крка 1-2, Мега Лекс 1-1, Олимпија 1-1, Игокеа 1-1, Будуќност 1-1, Металац 1-1, Сутјеска 0-2.
-->
-->
-->
Ново на Сител
-
Анкета на ИПИС: Мицкоски најпопуларен политичар, граѓаните очекуваат новата власт да биде подобра од претходната
-
ЦУК: Прв координативен состанок за справување со змии
-
ДЗР ги објави конечните ревизорски извештаи за СДСМ, ВМРО-ДПМНЕ, ДУИ и Алтернатива
-
Претрес во Тетово, приведен дилер
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата