54 нови случаи на корона вирус во Хрватска

Во Хрватска во последните 24 часа регистрирани се нови 54 случаи со Ковид-19, а во самоизолација се повеќе од 4.000 луѓе, додека двајца пациенти се на респиратор.

Од почетокот на епидемијата во Хрватска се регистрирани 2.777 случаи на зараза.

Според директорката на Инфективната клиника во Загреб, Алемка Маркотиќ, повеќето пациенти позитивни на корона вирус имаат многу благи симптоми или воопшто немаат симптоми.

Тврди дека ситуацијата е под контрола.