Закана за поставен експлозив на пруга во северно Косово

Специјални тимови на косовската полиција попладнево вршат проверка на пругата, по која денеска требаше да мине возот кој од Белград тргна кон Косовска Митровица.

Тоа е првиот воз што се упати на релација од Белград кон Косовска Миторвица по 1999 година.

Како што јави српската државна телевизија РТС, провеката на пругата започнала откако беше објавена снимка на која се гледа како непознати лица поставуваат експлозив на пруга, со најава дека тој е наменет за возот Белград - Косовска Митровица. 

Специјалците на косовската полиција спроведуваат проверка на пругата од границата со Србија до Косовска Миторвица, која е во должина од околу 40 километри. 

Видео снимката е објавена на Фејсбук страницата „Една нација“, но од неа не може да се утврди на кое место е поставен експлозивот и дали воопшто станува збор за посочената пруга.