Заев: Македонија и Грција првпат по долг период со одлични пријателски односи

Првпат по долг период Македонија и Грција имаат одлични пријателски односи, кои се градат со интезивирање на посетите и меѓусебната комуникација, изјави премиерот Зоран Заев на заедничката прес-конференција со еврокомесарот за проширување Јоханес Хан.

Заев одговорајаќи на новинарско прашање во врска со можноста за решавање на спорот со Грција за името на патот на деблокирање на интеграцијата на земјата во ЕУ и НАТО, нагласи дека позитивната клима, што беше создадена изминатиот период во односите со Атина влева отпимизам, што треба да се искористи за конечно да се реши ова прашање. 

-Верувам, а добивам и информации од грчка страна дека кај медиумите, но и кај граѓаните има позитивна атмосфера. Сето тоа ни дава за право како крајно сериозни политичари да го искористиме позитивниот момент и да најдеме решение за овој проблем, кој Грција го има со нашето уставно име, рече Заев.