Заборавете ги таблетите, пристигнува фластер за ерекција!

Таблетите за потенција го променија животот на многу парови, посебно на мажите, меѓутоа, тие имаат и маани поради кои научниците константно работат на развој на нов облик на овој лек кој ќе биде поефикасен, побрз и подобар. Се чини дека во Саудиска Арабија ја откриле волшебната формула.

Нивниот фластер премачкан со супстанцијата силденафил цитрат, голем е само еден сантиметар, може да се залети на раката или стомакот и делува веднаш. На овој начин се избегнува варењето на пилулата, која предизвикава многу проблеми со стомакот, мигрена, болка во мускулите и замаглен вид. Исто така, таблетата делува после 20 минути до еден час, а кај еден од тројца мажи не делува воопшто.

Притоа мажот и жената го чувствуваат притисокот од спектакуларниот однос кој можеби нема ни да се случи. Поготово ако мажот има големи очекувања од себе.

Тим експерти од Универзитетот Крал Абдулазиз, во Џеди, Саудиска Арабија, во соработка со научници од Универзитетот Каиро, направиле фластер кој го пренесува лекот на нов начин. Секој фластер содржи тенок слој од лекот премачкан со тенок слој маст која овозможува брза апсорпција преку кожата. Делува на потенцијата веќе за минута, а се избегнуваат несаканите нуспојави.