Вучиќ: Неопходно е да се решат отворените прашања во регионот

Српскиот премиер Александар Вучиќ оцени дека сите отворени прашања во регионот мора итно да бидат решени, бидејќи Србија, според него, ја чека иднина полна со предизвици поради што мора да продолжи со развивање на институциите и силните демократски права и слободи.

- Веднаш мораме да ги решиме сите отворени билатерални прашања, за да може да се одржи стабилноста на Балканот, истакна Вучиќ пред учесниците на регионалната конференција „Балканска рута и бегалската криза - што можат да направат граѓанските организации? Што да се очекува од националните влади и ЕУ?“. 

Вучиќ нагласи дека од почетокот на годинава преку Србија минале 172.402 мигранти, а во однос на 2014 година е за 7,4 отсто повеќе.

- Србија мора да има личен политички идентитет, бидејќи ако сами себе не се почитуваме, тогаш и другите нема да не почитуваат, додаде српскиот премиер.