Во вчерашниот пожар во Стрезовце изгореа 20 хектари борова шума

Во пожарот што избувна вчера во кумановското село Стрезовце биле зафатени 20 хектари борова шума, информираа денеска од Регионалниот центар за управување со кризи Куманово.

Пожарот избувнал во 13:40 часот, го гаселе екипи на противпожарната единица на Куманово и на Старо Нагоричане, како и две лица вработени во шумско стопанство. Пожарот е локализиран во 16:30 часот, екипите останале на терен.

– Од 01:15 до 06:45 интервенирано со едно противпожарно возило и тројца пожарникари во село Стрезовце на истото место што претходно избувнал пожарот, кој е ликвидиран, соопштија од РЦУК Куманово.

Кумановските пожарникари гаселе пожар и во Романовце на запалена сува трева, а во попладневните часови интервенирале на стан на булеварот „Октомвриска револуција“. Во ноќните часови опожарен бил и автомобил на улицата „Никола Тесла“.