Во Тетово пронајдена мртва 25-годишна Косовка

Синоќа во Тетово било пронајдено безживотно тело на 25-годишна девојка од Косово.

Телото на девојката е пронајдено помеѓу згради во близина на Зелениот пазар во Тетово. На локацијата увид извршил дежурен јавен обвинител од тетовското Обвинителство, а исто така увид е извршен и во изнајмениот стан во кој таа престојувала, информираат од ОЈО Тетово.

„Првичните сознанија и траги на лице место не упатуваат дека смртта е резултат на кривично дело“, велат од ОЈО Тетово.

Телото на девојката е дадено на обдукција, а Обвинителството врши распит на повеќе лица и се постапува за испитување на причините.