Во скопско активен еден пожар во атарот на село Блаце

Во Скопскиот регион активен е еден пожар во атарот на селото Блаце каде гори трева, нискостеблеста вегетација и шума на карпест непристапен терен. 

Од Регионалниот центар за управување со кризи Скопје информираат дека пожарот се следи од вработени од јавното претпријатие „Македонски шуми“ и дека се наоѓа на пет километри од селото Блаце. 

Во изминатото деноноќие имало 26 пожари на отворен простор во чие гаснење покрај Територијалната противпожарна единица на Град Скопје биле ангажирани и три авиони „ер трактори“ и еден хеликоптер на МВР.