Во Скопје вчера 14 сообраќајки, тешко повредени три лица

Во текот на вчерашниот ден на подрачјето на СВР Скопје се случиле 14 сообраќајни незгоди. Во осум сообраќајки полесно се повредени 10 лица, во две тешки телесни повреди добиле еден возач на мотоцикл, еден велосипедист и еден сопатник. Во четири сообраќајки причинета е материјална штета.

Сообраќајната полиција вчера санкционирала 28 возачи кои се движеле со брзина поголема од дозволената, шест возачи кои не отстапиле првенство на минување на возачите возона на крстосница, пет возачи поминале на црвено светло на семафорот, тројца возачи кои не ги почитувале правилата за престигнување, двајца возач кои ги управувале своите возила под дејство на алкохол и се исклучени од сообраќај, 20 возачи кои ги управувале своите возила без возачка дозвола односно нерегистрирани, 10 возачи кои на велосипеди сториле прекршоци по разни основи и 44 непрописно паркирани возила.

Со помош на специјалното возило пајак, како што информира СВР Скопје, отстранети се 60 возила.

Во рамките на сообраќајно-воспитниот проект „Сообраќајна култура на децата во предучилишните установи” Одделението за превенција денеска ќе реализира едукативни работилници во детска градинка „Мајски Цвет“ објект „Тафталиџе 1“ кој се наоѓаат на подрачјето на општина Карпош, притоа ќе бидат реализирани едукативни работилници со децата од средна и голема група.