Во Кисела Вода собрани 36 кубни метри кабаст отпад

 На територијата на општина Кисела Вода во акција акција за собирање на КАБАСТ отпад собрани околу 36 кубика кабаст отпад.

Како што соопшти општина Кисела Вода, акцијата е спроведена преку секторот за Месна самоуправа и соработка со НВО и ЈП Комунална хигиена на 14 и 15 октомври 2016 година.

Со реализицијата на активностите за собирање на кабаст отпад, како што се наведува во соопштението, на жителите на општина Кисела Вода по четврти пат оваа година им беше овозможено да се ослободат од стариот и неупотреблив  мебел, предмети за домаќинство, електрични апарати и други предмети.

Општина Кисела Вода, исто така, апелира до граѓаните да го почитуваат Законот за јавна чистота и со своето однесување да придонесат за здрава и чиста животна средина.