Во jануари можна забрана на партијата на германските неонацисти

По речиси две години истрага во која сведочеа и претставници на германскиот парламент, германскиот уставен суд на средината на јануари ќе објави дали ќе ја забрани најголемата крајно десничарска партија Национално Демократска Партија (НПД), јавува дописникот на МИА од Берлин.

НПД која што има антисемитска агенда и промовира расистички тези по втор пат се соочува со барање за забрана откако во 1993 година го поминала тестот на германските институции.

Ултранационалистичката НПД која е формирана во 1964 година како наследничка на „Германската партија на рајхот“ се смета за најважна неонацистичка политичка групација по 1945 година а безбедносните служби поради својата платформа и политичка философија ја третираат како „Закана за уставниот поредок“. НПД никогаш немала претставници во федералиот парламент а на ниво на покраина во 11 наврати добила пратеници на избори. Во моментов има еден претставник во Европскиот парламент.