Во Хрватска 363 нови случаи на коронавирус

Во последните 24 часа во Хрватска се потврдени 363 нови случаи на коронавирус, починале пет лица, а бројот на активни случаи е 1.830.

Меѓу нив, 344 пациенти се наоѓаат во болница, од кои 26 се на апарати за дишење.

Од 25 февруари, кога е регистриран првиот случај во Хрватска, па сè до денес, регистрирани се вкупно 18.447 лица заразени со новиот коронавирус, од кои 309 починале. Вкупно се опоравиле 16.308 лица, од кои 116 во последните 24 часа.

Во моментов има 9.675 лица во самоизолација.

До денес се тестирани вкупно 338.594 лица, од кои 5.353 во последните 24 часа.