Во Битола отворена државна изложба на детски ликовни творби

НУ Центар за култура-Битола денеска ја претстави 41. Државна изложба на детски ликовни творби на тема „Народната култура како трајна инспирација во моето творештво“.

Панде Петровски, претседател на стручната жири комисија, која воедно одлучуваше и за наградите на најдобрите учесници, информира дека на годинешниот конкурс учествуваа 2.000 творби од ученици во целата држава, а на изложбата се презентирани 506 творби.  

- Тематската обработка и мотивите се отсликани на високо нивои притоа се користени сите техники и материјали за ликовно искажување. За публиката ги издвоивме најдобрите детски ликовни творби кои воедно ги наградивме. Со оваа изложба како една од ретките што го негува фолклорот продолжуваме да им овозможуваме на децата да создаваат бисерни дела кои се бисерни капки во реката на континуитетот на традицијата, посочи Петровски.

Со одлука на жирито специјална награда годинава им е доделена на општинските основни училишта „ГоцеДелчев“ од Неготино и „Наим Фрашери“ од Тетово.