ВМРО-ДПМНЕ: Зоран Заев да поднесе оставка

Зоран Заев мора да си поднесе оставка и да престане да изнаоѓа смешни оправдувања потценувајќи го народот, порача на денешната прес-конференција Крсто Јовановски од ВМРО-ДПМНЕ. 

- Поминаа точно 38 дена, а Зоран Заев нема абер да се повлече од политиката како што самиот вети доколку изгуби на овие изборите, а ги изгуби. Помина повеќе од месец кога на 11-ти декември беше поразена деструктивната и манипулативна политика на СДСМ и на Зоран Заев. Народот мнозинската поддршка му ја даде на ВМРО-ДПМНЕ и на коалицијата „За подобра Македонија“, а Зоран Заев се повлече и одлучи да се крие, нагласи Јовановски. 

Ова, додаде, покажува дека аболицираниот криминалец Зоран Заев има намера да ја држи во заложништво и својата партија, но и цела Македонија, само со една единствена цел да си ја зачува својата политичка кариера и да избегне соочување со правдата.

Јовановски потенцира дека оставката е најдоброто нешто кое може Зоран Заев да го направи за Македонија.