Весиќ: 2024 година почнува наплата на патарините во Србија на магистралните патишта за камиони над 7,5 тони

Српскиот министер за градежништво, транспорт и инфраструктура, Горан Весиќ, најави дека идната година, 2024, во Србија ќе почнат да се наплатуваат патарини на државните патишта од прва Б класа (магистрални патишта) за камиони со тежина над 7,5 тони, јави дописникот на МИА од Белград.

-Ќе вршиме наплата на фреквентни патишта само за тешки товарни возила и ќе го мериме осовинскотто оптоварување во асфалтот, за да ги заштитиме локалните патишта, рече Горан Весиќ.

Министерот Весиќ истакна дека се работи за камиони кои често ги уништуваат локалните патишта.