Величковски на конференција на началниците на трансформација на НАТО

Началникот на Генералштабот на АРМ генерал потполковник Методија Величковски од утре до 15 декември ќе учествува на НАТО конференцијата на началниците на трансформација.

Конференцијата, соопшти Министерството за одбрана, се одржува еднаш годишно во седиштето на Врховната команда на НАТО сојузничките сили за трансформација во Норфолк, Вирџинија.

На конференцијата ќе учествуваат претставници од 28-те земји - членки на НАТО и 23 партнерски нации, како и претставници од други институции поврзани со одбраната, а тема на разговори се трансформација на армиите и идентификување на натамошните области на меѓусебна соработка.