Унгарците на референдум за квотите за мигранти

Жителите на Унгарија од утрово гласаат на референдум на кој се изјаснуваат за обврзувачките квоти на Европската унија за прифаќање мигранти.

Прашањето на референдумот гласи – Дали се согласувате со тоа ЕУ да може да воведе обврзувачко населување неунгарски жители во Унгарија дури и без одобрение на Парламентот?

За да биде важечки референдумот, мора да гласаат најмалку 50 отсто плус еден од вкупно 8,27 милиони гласачи.

Голем број аналитичари се со став дека граѓаните ќе ги отфрлат квотите, а на таков исход се надева и премиерот Виктор Орбан. Лани низ Унгарија минаа речиси 400 илјади мигранти кои продолжија кон Западна Европа.