У-21: Македонија непоразена се враќа од Франција

Одличен старт на мечот, офанзивна игра и неколку закани кон голот на домаќинот резултираа со водство на Македонија преку Виктор Ангелов во 15минута. 

Французите брзо нападнаа за израмнување и тој гол им го донесе нашиот дефанзивец Бејтулаи од една безопасна ситуација кон нашиот гол кога несмасно ја зафати нафрлената топка и со глава ја смести зад грбот на Алексовски. 

До крајот на првиот дел Франција иако погоди во рамките на голот не делуваше како подобар противник и резултатот остана непроменет. 

Македонија против фаворитот упати четири удари во овој дел и изведе 5 корнери. 

И во вториот дел одлично париравме а помогнаа и двете одлични одбрани на голманот Алексовски да освоиме голем бод на ова тешко гостување во Леман. 

Следниот дуел е во мај во Шкотска. 

Македонија сега има 9 бодови од 6 средби колку што одигра и Исланд со 12 бодови додека Франција е прва со натпревар повеќе и 14 поени.