Тотенхем преку Вимблдон во следната рунда на ФА Купот

 

  Екипата на Тотенхем ја оправда улогата на фаворит и забележа убедлива победа над членот на третата лига Вимблдон.

 

Тотенхем славеше триумф над Вимблдон со 3-0 во дуел од 3.коло на најмасовното англиско фудбалско натпреварување ФА купот, со што „Спарси“ обезбедија пласман во шеснаесетинафиналето . 

 

Иако во првиот дел немаше погодоци, сепак во вториот беа постигнати три. Хари Кин беше стрелец на првите два гола во 63-тата и две минути подоцна (65). Третиот гол беше дело на белгискиот репрезентативец Јан Вертонген во 71.минута од средбата. 

 

Покрај Тотенхем од премиер лигашите пласман во следната фаза досега обезбедија: Манчестер Сити, Манчестер Јунајтед, Ливерпул,Њу Касл,ВБА, Саутемптон, додека Челзи, Вест Хем и Лестер ќе мора да одиграат повторно со своите противници од пониските конкуренции.