Теута Арифи ќе биде нов македонски амбасадор во ЕУ

Поранешната градоначалничка на Тетово и вицепремиерка за евроинтеграции, Теута Арифи, ќе биде нов македонски амбасадор во ЕУ, пишува „Фокус“.

Според информациите на неделникот, актуелниот директор на АНБ Виктор Димовски, ќе замине на амбасадорска служба во Париз, а амбасадорското место во Вашингтон ќе биде пополнето со Зоран Попов, дипломат од кариера кој е државен секретар во МНР.

Неофицијално, овие предлози од МНР веќе се поминати на Влада и треба да стигнат на одобрување кај претседателот на државата.

Потоа, законската процедура предвидува издавање на агреман од земјата-домаќин каде се упатуваат.