Судирите во Судан продолжија и покрај тоа што паравоените сили се согласија за прекин на огнот за време на Рамазан Бајрам

Судирите продолжија во Судан и покрај тоа што паравоената група Сили за брза поддршка се согласи на прекин на огнот за време на Рамазан Бајрам.

Бомбардирање и гранатирање беа пријавени во неколку области во Картум, откако примирјето требаше да започне во 6 часот наутро.

Суданската војска не го коментираше потенцијалниот прекин на огнот што доаѓа откако ОН објавија дека околу 20.000 луѓе го напуштиле Судан поради конфликтот, објави денеска „Гардијан“.