Судир на два брода во Балтичко Море, во тек е спасувачка операција

– Два товарни брода се судрија во Балтичкото Море меѓу данскиот остров Борнхолм и јужниот шведски град Истад, јавија денеска шведските медиуми, повикувајќи се на шведската поморска управа.

Едниот брод е регистриран во Данска, а другиот е британски, објави шведската телевизија СВТ на својата веб-страница.

– Еден брод се преврте. Не знаеме точно како се случи. На данскиот брод имаше најмалку две лица, изјави портпаролот на Шведската поморска управа Јонас Францен.

Во тек е голема спасувачка операција, јави СВТ.

Едниот брод бил долг 90 метри, а другиот 55 метри.