„Страшна“ игра на американскиот Дрим-тим
Американскиот Дрим-тим ја одигра својата прва контролка во рамките на подготовките за ЛОИ во Рио и покажа извонреден квалитет во дуелот со селекцијата на Аргентина која беше буквално „прегазена“.
Иако без Леброн Џејмс, Стеф Кари и Расел Вестбрук, американците славеа со убедливи 37 поени разлика – 111-74 (32-14, 24-19, 24-24, 31-17). Веројатно сите очекуваа победа на четата на Мајк Кшижевски, но не толку убедлива против репрезентацијата која во својот состав има и неколку НБА ѕвезди.
Дека ќе играат мачка и глушец беше јасно уште во првата четвртина во која “дрим-тимот” направи 18 поени разлика. И покрај тоа, Кшижевски не се плашеше да им даде шанса на најдобрите, па на крајот Дјурент беше најефикасен со 23 поени, а Кармело Ентони додаде 17. Кај Аргентина, Андрес Носиони заврши како прв стрелец со 15 поени.
За американската репрезентација ова беше прв тест пред Олимписките игри во Рио. Следуваат два дуели со Кина, на 25 и 26 јули, со Венецуела на 29 јули и последниот меч против Нигерија на 1 август.
Ново на Сител
-
ЦУК: Регистрирани 11 пожари на отворен простор, активен е пожарот кај Белица во Македонски Брод
-
Мицкоски: Можеме да прифатиме и гласање преку пошта, наша цел е да обезбедиме побројно гласање на дијаспората
-
Ангелов: Изби пожар во борова шума над филтер станицата во Штип, на терен интервенираат пожарникари и доброволци
-
Мицкоски: Со трговците ќе разговараме директно, без естрада, за зголемените маржи
-
Нова метода за прецизна дијагностика на срцеви заболувања - првпат извршена во Македонија
-
Кривична против 74-годишен маж кој нападна 10-годишно девојче во Центар
-
Приведен скопјанец по кражба на паричник од 72-годишна жена
-
Лабораториски потврдени два случаи на Западнонилска треска на Клиниката за инфективни болести
