Стотици лица присуствуваа на погребот на убиената малтешка новинарка

Стотици лица присуствуваа на денешниот погребот на новинарката Дафне Каруана Галација, која минатиот месец беше убиена во бомбашки напад.

Државниот врв на Малта, по барање на нејзиното семејство не присуствуваше на полагањето на посмртните останки на Галација. Малтешките претставници наведоа дека тоа било побарано од нив, бидејќи биле „непожелни“. 

На 16 октомври Галиција (53) загина во експлозија на автомобил, кратко време откако во својот последен блог ја опиша политичката ситуација на Малта како „очајна“, обвинувајќи ја Владата за корупција.

Инцидентот се случил на само неколку метри од нејзиниот дом кога била активирана експлозивната направа поставена под нејзиниот автомобил.

Локалната полиција наведе дека телото било изгорено до непрепознатливост.

Тогаш, медиумите јавија, дека таа пријавила оти добива закани по живот.

Премиерот на Малта, Џозеф Мускат, кој Галиција го обвини за криминал поврзан со Панамските документи, наведе дека „нема да запре се додека правдата не биде задоволена“.