Столтенберг: Кога светот се менува и НАТО мора да се менува

Генералниот секретар на НАТО Јенс Столтенберг во пресрет на почетокот на дводневниот самит во полскиот главен град Варшава изјави дека „живееме во опасен свет, со целиот тероризам и немирите, кои се случуваат“. 

Столтенберг истакна дека тоа посебно се однесува на областите јужно во однос на Алијансата, на Ирак, Сирија, Северна Африка. 

- Но исто така и на Русија која има повеќе самодоверба, Русија која три пати ги зголеми давачките во сферата на одбраната и која примени сила кон независна нација во Европа, Украина, вели Столтенберг.

Тој смета дека сето тоа го променило „нашето безбедносно опкружување“.

- НАТО мора да одговори. Кога светот се менува и ние мораме да се менуваме, рече генералниот секретар на Алијансата.