Спанулис со тројка донесе нова титула за Олимпијакос

Кошаркарите на Олимпијакос одбранија титулата во грчкото првенство откако финалната серија против Панатинаикос ја добија со 3-1. Василис Спанулис со тројка во последната секунда му донесе победа на својот тим 82:81, по две продолженија, и во пензија го испрати својот голем пријател од спротивниот табор Димитрис Дијамантидис.

 

Четвртиот меч одигран на теренот на Панатинаикос беше исклучително драматичен, се одиграа две продолженија, а Олимпијакос во првото од пораз го спаси Манцарис кој на 1,1 секунда погоди тројка за со која израмни на 71:71.

 

Во второто продолжение Панатинаикос ја контролраше играта беше поблиску до израмнување на резултатот во серијата, но Спанулис во последната секунда погоди неверојатна тројка за конечни 82:81.

 

Спанулис натпреварот го заврши со 25 поени и шест асистенции, Хантер постигна 14, а Манцарис и Папаниколау по 13 кошеви.

 

Дијамантидис во својот последен меч во кариерата имаше учинок од 16 поени и по шест скокови и асистенции.