Собраниска делегација на работилница во Братислава

Пратеничките Ане Лашковска и Ивана Туфегџиќ од утре во Братислава ќе учествуваат на работилница „Транспарентност и парламентарна соработка со граѓанското општество", соопшти Собранието на Република Македонија. 

Работилницата е во организација на Националниот демократски институт за меѓународни односи и Националниот совет на Словачка  и е во функција на создавање отворен и транспарентен парламент со цел подобар законодавен процес.

- На работилницата, пратеничките ќе разменат искуства со своите колеги од регионот, со колегите од парламентот на Република Словачка, како и со бројни претставници од различни институции на Европската унија и претставници на меѓународни граѓански организации, информира Собранието на РМ.