Швајнштајгер добар за Јуве

Бастијан Швајнштајгер го договорил личните услови за трансфер во Јувентус, пишуваат италијанските медиуми.

 

Поранешниот капитен на репрезентацијата на Германија, оваа сезона нема да добие шанса во првиот тим на Манчестер Јунајтед, откако менаџерот Жозе Мурињо му соопшти дека нема да му требаат неговите услуги и го испрати да тренира со втората екипа.

 

Јунајтед поради ова е подготвен дури и без обесштетување да го ослободи Швајнштајгер, бидејќи доколку Германецот реши да остане на „Олд Трафорд“ и во наредните две години, тогаш ќе мора да му исплати околу 17 милиони евра.

 

Според италијанските медиуми, Јувентус ја користи опцијата да го добие бесплатно Швајнштајгер, нудејќи му во истовреме годишна плата од четири милиони евра.

 

Истите извори наведоа дека двете страни се договориле и дека само се чека Манчестер Јунајтед да го одобри трансферот.