Се организираат подготовки за Бадниковата литија во Тетово

Започнаа подготовките за третата по ред Бадникова литија во Тетово, која ја организираат православните свештеници при Тетовско-гоствиварската епархија на Македонската православна црква.

– Со благослов на нашиот митрополит господин Јосиф, в недела во 11 часот
ќе се одржи прва средба и проба на децата кои ќе учествуваат во Бадниковите поворки, со ѓакон Илија Деспотовски. Место на проба ќе биде нашиот Соборен митрополитски храм „Свети Кирил и Методиј” во Тетово. Ги повикуваме родителите што повеќе деца да донесат за достојно да ја одбележиме Бадниковата прослава, истакна отец Александар Стојановски, старешина на храмот.

Во Тетово Бадникова литија прв пат се одржа во 2017 година. Учесниците ја изведуваат песната „Вечниот Бог“, движејќи се по градските улици.