Русија најави голема хуманитана акција во Алепо

Рускиот министер за одбрана Сергеј Шојгу најави дека неговата земја и сириските власти денеска ќе отпочнат „обемна хуманитарна операција“ во градот Алепо, со цел да им се помогне на „граѓаните кои станаа заложници на терористите“.

- Руската и сириската војска поставија три коридори, преку кои цивилте ќе можат безбедно да го напуштат градот. Операцијата се изведува во согласност со наредбите на рускиот претседател Владимир Путин. Ги повикуваме и меѓународните организации да се приклучат, нагласи Шојгу.

Како што јави ТАСС, според рускиот министер, предвидено е да биде отворен и четврти коридор, наменет за екстремистите кои ќе сакаат да го положат оружјето.