Рио 2016: Фелпс „доплива“ до 21.то олимписко злато

Американскиот пливач Мајкл Фелпс со двете први места на ноќешните трки од пливачките натпревари на Игрите во Рио стигна до бројката од 21 златен медал. Фелпс триумфираше во трките на 200 метри пеперутка и беше дел од американската штафета 4 х 200 метри слободно. Во трката на 200 метри покрај Фелпс на подиумот се најодоа Масато Сакаи од Јапонија (сребро) и Тамаш Кендереши  од Унгарија (бронза). Олимпискиот шампион од Лондон Чад Ле клос го освои 4.место. Во штафетата на САД покрај Фелпс до златниот медал допливаа уште: Двиер, Хас и Лохте. Среброто им припадна на пливачите од Велика Британија, а бронзата на Јапонците.

Доминацијата на американските пливачи ноќеска ја надополни и Катлин Ледецки, која победи во трката на 200 метри слободно. Сара Сјостром од Шведска го освои второто место,а  трета заврши Ема Мек Кеон од Австралија. 

Третиот златен медал на Игрите во Рио го освои Унгарката Катинка Хосу, воедно сега има шанси да биде најуспешна на Игрите. Среброто го освои Британката Сибон О‘Конор е сребрена, а бронзата и припадна на Медлин Дирадо.