Рим: Надал славеше против Ѓоковиќ

По подолго време љубителите на тенисот уживаа во нова пресметка помеѓу великаните Рафаел Надал и Новак Ѓоковиќ.  Триумфираше Шпанецот со 7-5,1-6 и 6-3 и со тоа ја освои 10-тата титула во Рим. 

Српскиот тенисер добро го започна мечот и направи брејк за водство од 2-0 уште во првиот сет но не успеа да ги одбие следните напади на Надал кој успеа да израмни и со нов брејк да го освои 11. гем. 

Во вториот сет Ѓоковиќ одигра маестрално и загуби само еден гем за израмнување на резултатот. 

Во третиот сет клучен беше петтиот гем кога првиот светски тенисер не искористи две брејк топки што донесе пад во неговата игра и Надал направи брејк за триумф од 6-3.