Ригорозни казни за предизвикување пожар

Со порастот на температурите, се зголемува и опасноста од избувнување пожари, па поради тоа апелираме до граѓаните да не ги палат отпадоците, меѓите и стрништата на нивите и да не фрлаат неизгаснати цигари на отворен простор, апелираа денеска од МВР.

Потсетуваат дека секој што на каков било начин ќе предзвика пожар ќе се соочи со ригорозни казни, односно затворска казни од шест месеци до осум години.

МВР, соопштуваат, презема координирани превентивни и други мерки, во месните заедници, со граѓански советодавни групи, навреме да се пресретнат овие појави, а во соработка со другите надлежни институции засилени се и контролно-репресивните активности.