Реакција ЈПДП - постапката беше јавна и транспарентна

Јавното претпријатие за државни патишта реагира, постапката за избор на надзор на Коридорите 8 и 10 била јавна и во присуство на медиуми. Според Јавното претпријатие, доставени биле три понуди од компании од Франција, Италија и Холандија кои се јавуваат како лидери на група понудувачи.

По отворањето на понудите, следуваше постапка за нивна евалуација, и по разгледувањето на документацијата и комплетноста на понудите во предвидениот рок се изврши изборот на најдобриот понуден квалитет и понудена цена и за Надзор и правен трансакциски советник за изградба на Коридор 8 и Коридор 10-Д беше избрана „IRD ENGINEERING“. Изборот помина и на Управна контрола, а до Државната комисија за жалби по јавни набавки беа поднесени две жалби кои што Комисијата ги отфрли. Постапката и изборот беа согласно сите законски и подзаконски акти за јавни набавки и транспарентна од самиот почеток.