Путин: Чернобил е сериозна лекција за целото човештво

Претседателот на Русија Владимир Путин изјави денеска дека Чернобил станал сериозна лекција за целото човештво и дека трагедијата би била уште поголема доколку ја немаше неизмерната храброст и самопожртвуваност на пожарникарите, војниците и останатите кои учествуваа во санирањата на последиците.

- Трагедијата во Чернобил не е поголема само благодарение на напорите на експертите кои ја извршуваа својата граѓанска должност, наведе Путин во телеграмата упатена до учесниците во отстранувањето на последиците од несреќата во чернобилската нуклерана централа пред 30 години.

- Многумина од нив го жртвуваа сопствениот живот за да ги спасат другите, рече рускиот претседател.